24-тиот Летен Универзитет на Европската асоцијација на студенти по фармација (EPSA), еден од најзначајните интернационални настани за студентите по фармација, оваа година беше одржан 10 – 14 август во Охрид. Ова годишно издание, во организација на Студентски Сојуз на Фармацевти на Македонија (ССФМ) и Научно-истражувачкото здружение (НИЗ) при Фармацевтски факултет, беше реализирано во Конгресниот центар на УКИМ во Охрид и обедини над 80 студенти од С. Македонија, Србија, Хрватска, Португалија, Романија, Малта, Египет, Германија, Словенија, Обединетото Кралство, Полска, Чешка, Грција, Бугарија и Турција, како и професори од Фармацевтскиот факултет при УКИМ, предавачи и тренери од EPSA.

Настанот се одржа под слоганот „Health Communication in the Era of Misinformation“, фокусирајќи се на современите предизвици во здравствената комуникација и улогата на идните фармацевти во справувањето со дезинформациите. Преку комбинација на предавања, панел-дискусии, работилници и тренинзи, студентите имаа можност да го истражат предизвикот на здравствената комуникација во време на дезинформации и дигитален шум, стекнувајќи се со нови знаења и вештини.
Настанот официјално беше отворен со обраќања од продеканот за наука и меѓународна соработка при Фармацевтскиот факултет – проф. д-р Ѓоше Стефков, претседавачот на настанот и член на ССФМ Јована Стојческа, како и претставник од EPSA. 

Едукацискиот програмски сегмент започна со панел-дискусијата „Navigating Trust and Truth: The Future of Health Communication in the Digital Age“ на која говори земаа тројца професори од Фармацевтскиот Факултет при УКИМ: проф. д-р Зорица Наумовска, проф. д-р Ѓоше Стефков и проф. д-р Александра Грозданова. Беа обработени теми од исклучително значење: улогата на вештачката интелигенција во фармацијата, етиката во фармацевтската едукација и истражување, како и значењето на здравствените работници во справувањето со дезинформациите за вакцините. Панелот отвори плодна дискусија и предизвика голем интерес кај студентите, овозможувајќи размена на искуства и добри практики од различни земји, со што дополнително се збогати меѓународната перспектива на учесниците.

Стручни предавања, работилници и тренинзи

Во рамките на Летниот Универзитет се реализираа бројни интерактивни работилници и стручно-научни предавања водени од доценти, асистенти од Фармацевтски факултет и тренери на EPSA:

1. „The Influence of Social Media on Public Perception of Medicines: How to Communicate in a Digital World“ – одржано од доц. д-р Душко Шалабалија од Институтот за Фармацевтска Технологија, Фармацевтски факултет; 

2. „Misinformation in the Age of Innovation: Challenges in Communicating New Nanomedicines“ – одржано од доц. д-р Љубица Михаилова од Институтот за Фармацевтска Технологија, Фармацевтски факултет;

3. „Debunk, Defend, Deliver: Building Strong Pharma Messages in the Era of Misinformation“ – одржано од доц. д-р Душко Шалабалија и доц. д-р Љубица Михаилова од Институтот за Фармацевтска Технологија, Фармацевтскиот Факултет;

4. „Internship with Purpose: Communication, Onboarding and Development in a Real-World Work Environment“ – одржана од професионалци во областа на човечки ресурси, г-дин Тане Мургоски и г-ѓа Ангела Симовска (Алкалоид АД Скопје);

5. „Infodemic Overload: Separating Science from Noise“ – одржано од доц. д-р  Евгенија Михајлоска и м-р фарм. Дарија Кржовска од Институтот за Фармацевтска технологија, Фармацевтски факултет;

6. „Misinformation in the Online Health Marketing“ –  одржано од доц. д-р Олга Гигопулу од Институтот за Применета хемија и фармацевтски анализи, Фармацевтски факултет;

7. Виртуелна работилница на тема  „Analytical Data as a Tool Against Misinformation: Ensuring Quality and Authenticity of Medicines in the Marketing Authorization Procedure“ – одржана од проф. д-р Катарина Брезовска од Институтот за Применета хемија и фармацевтски анализи, Фармацевтски факултет;

8. „Interprofessional Infodemic Simulation“ – одржано од  Љупка Павлова (EPSA) и Јована Стојческа (ССФМ);
9. Public Health Campaign – одржана од EPSA координатори одговорни за јавно здравје и социјални услуги.

Посебно внимание привлече гостинката г-ѓа Ким А. Јунг, регионален директор на Regulatory Affairs Professional Society (RAPS), која одржа инспиративна презентација за регулаторните системи и глобалната борба со дезинформациите во фармацевтската пракса.

Освен работилници, едукативната програма беше исполнета и со интересни тренинзи, одржани од EPSA тренери, во кои учесниците имаа можност за интерактивно учење и совладување на меките вештини:

1. „Stress Management in Communication“ („Управување со стресот во комуникацијата“);
2. „Active Listening in Patient Care“ („Активно слушање во грижата за пациентите“);
3. „Team Dynamics in Healthcare“ („Тимска динамика во здравството“);
4. „Team Building in Healthcare“ („Тимско градење во здравството“);
5. „Visual and Non-verbal Communication“ („Визуелна и невербална комуникација“);
6. „Conflict Management“ („Управување со конфликти“).

Социјална програма

Покрај едукационата програма, учесниците уживаа и во внимателно подготвената социјална програма за која целосно се погрижи тимот на ССФМ, а која опфати неколку тематски вечери: свечена вечер со македонски традиционален амбиент, забава под отворено небо, интернационална вечер, традиционална вечер и кубанска тематска вечер.

Социјалната програма опфати и незаборавна екскурзија со брод до манастирот Свети Наум и последователна прошетка низ стариот град. Во пријатната пловидба по Охридското Езеро, учесниците уживаа во уникатните пејзажи, кристално чистата вода и впечатливата природна убавина што го прави овој регион посебен. По пристигнувањето, студентите имаа можност да се запознаат со богатата историја на манастирскиот комплекс, легендите поврзани со Св. Наум и архитектонските бисери што сведочат за вековната духовна традиција на Македонија. Екскурзијата претставуваше идеална прилика за учесниците меѓусебно да се поврзат, да откријат нови културни атракции и да го доживеат Охрид во неговата најавтентична светлина.

Организациски тим и благодарности

Со успешното реализирање на Летниот Универзитет како европски реномиран настан, ССФМ и НИЗ го потврдија својот значаен придонес во унапредувањето на професионалниот развој, јакнењето на меѓународната соработка и промовирањето на студентскиот активизам во фармацевтската заедница.

Посебна благодарност се упатува до Организацискиот одбор, предводен од:

1. Јована Стојческа, Претседавач
2. Алекс Јачовски, Благајник, Претседател на ССФМ и НИЗ
3. Бојан Георгиев, Заменик Претседавач, Претседател на ФСС-ФФ
4. Гала Стојанова, секретар
5. Адријана Велковска, Координатор за регистрации.
6. Магдалина Петрушевска, Координатор за Едукациски настани
7. Евгенија Добреска, Координатор за Односи со Јавноста и мултимедија
8. Невена Аќимовска, Координатор за Односи со Јавноста и мултимедија
9. Александра Петровска, Координатор за одржливост
10. Димитриј Стефков, Координатор на социјални настани
11. Филип Карајановски, Координатор на логистика
12. Ива Анчевска, Координатор за спонзорства
13. Филип Тодоров, Координатор на помошен тим
14. Јована Ангелова, помошен тим
15. Каменка Николова, помошен тим
16. Марија Димитрова, помошен тим
17. Ангела Петреска, помошен тим.

Благодарност се упатува и до доц. д-р Олга Гигопулу како алумни-офицер на настанот, до продеканот за наука и меѓународна соработка проф. д-р Ѓоше Стефков, продеканот за настава проф. д-р Ана Поцева Пановска, како и до сите останати професори, доценти и асистенти на факултетот за пружање целосна поддршка и посветеност за успешна организација. 

Неизмерна благодарност за посветеноста и вложувањето за  реализацијата на настанот и промовирање на Фармацевтскиот факултет и Универзитетот упатуваме до деканот на Фармацевтскиот факултет проф. д-р Зоран Стерјев.

Искрена благодарност упатуваме до сите наши верни поддржувачи и спонзори, кои со својата несебична помош овозможија успешна реализација на настанот. Посебно им благодариме на Фармацевтски факултет при УКИМ, ИКСА, Конгресен центар, како и на компаниите Рамус, Плива–Тева, Галеника и Еурофарм за нивната континуирана поддршка и доверба. Вашата посветеност кон образованието, студентскиот развој и унапредувањето на фармацевтската професија претставува значаен поттик за идните генерации фармацевти.